Xulka Salal oo u awood Sheegtay Xulka Badhan iyo Maroodijeex iyo Sanaag oo barbar dhac 0-0 ah galay

Hargaysa 13.June (SDN)   Xulalka Gobolada Salal,Buuhoodle,Maroodi Jeex iyo Sanaag ayaa Maanta Wada Yeeshay Tartanka Ciyaaraha Gobolada Somaliland ee Ka Socda Garoonka Hargaysa Staduim .

Hargaysa 13.June (SDN) Ciyaarta Kowaad ayaa Waxaa Wada Yeeshay Xulalka Salal iyo Buuhoodle Xulka Gobolka Salal ayaa Afar Gool iyo Hal kaga dul talaabsatay Xulka Gobolka Buuhoodle,iyagoo Maanta Wacdaro ka Muujiyay Tartanka.

Xulka Gobolka Salal waxaa afartaas Gool u saxeexay Ciyaar yahanada lagu magacaabo Shabcaan Cilmi,Kaynaan Axmed,Muxiyadiin oo Sita Nombarka 6aad, iyo Cabdi C.laahi Carablow.

Halka Xulka Buuhoodle u saxeexay Goolkooda Madiga ah Ciyaar yahanka lagu magacaabo Cabdi Naasir .

Ciyaarta labaad ayaa waxaa wada yeeshay Gobolada Maroodi Jeex iyo Sanaag qaybtii hore ee Ciyaarta ayaa ku dhamaatay bar bar dhac Eber iyo Eber ah,Inkastoo Labada Xulba u Muuqdeen kuwo is Ceshanaya oo Weeraradoodu aanay kala dhacayn.

Hasa yeeshee markii la isugu soo noqday qaybtii labaad ee Ciyaarta ee Xul kastaaba la soo tashaday Tababarahooda ayaanay Suuro gal noqon in Labada Xul ay wax gool ah kala dhashadaan Waxaanay Natiijadii Ciyaartu ku dhamaatay Barbar dhac Eber iyo Eber ah.

Hargaysa SDN.

Qurbejoog.com