Xulka Portugal oo 1-0 Ku Soo Dhaweeyey Xulka Sweden Iyo Ukraine,Greece oo Kala Khaarijiyey France Iyo Romania Playoffs (By Jaahuur)
Lisbon-Portugal-Nov-16-2013-(SDN) Asxaabtay Todobaadkan iyo ciyaaraha waxaynu ula baqooleynaa xagaaiyo Portugal iyo Christiano Ronaldo oo ay foodda islagaleen Zlatan Ibrahimovic.(Ronaldo-1-Ibrahimovic-0-).
Ciyaartan oo ka tirsaneyd isreeb-reebka koobka kubadda cagta ee Aduunka kana dhici doonta dalka Brazil 2014-ka ayaa waxaa isku bas beeley xulka Portugal iyo xulka Sweden,ahaydna lugtii hore (First Leg).
Ciyaartan oo todobaadkan la wada sugayey ayaa waxaa soo buuxiyey garoonka khalqi cagacageynaya in ka badan 61,000 kun iyo taageerayaasha labada xul oo aan kala joojin sawaxan iyo sacab ay ku taageerayeen xulalkooda.
Labadan xul oo ay kala hogaaminayeen Ronaldo oo u ciyaara Real Madrid iyo Ibrahimovic oo isna u ciyaara Psg ayaa dadweynihii daawanayey ciyaarta indhaha ku hayeen labadan laacib kii u horseedi lahaa xulkiisa inuu badiyo.
Ciyaartan oo aad iskugu dheeli tirneyd ayaan qeybtii hore waxba lakala dhalin,qeybtii dambe ee ciyaarta waxaa xukumaadii garoonka la wareegey Portugal oo gurigooda lagu ciyaarayey,daqiiqaddii 82-aad ayaa gool aad u qurux badan madaxa ugu saxeexay xulka Portugal Christisno Ronaldo.
Waxay ku fiicneyd inaanu goolal badan dhalino,laakiin tani waxay dhaantaa bar-bardhac waana ka dheregsanahay in wiigga soo socda Sweden ciyaar adagi nasugeyso saidaana waxa ka dhawaajiyey Rolando.
Waxa kale oo maanta iyana iskala khaarijiyey.
Ukraine 2 France 0
Greece 3 Romania 1
W/qorey Jaahuur
SDN