Xulka Netherland oo Kaalinta 3-aad Cidhiidhsatey & Xulka Brazil oo Sii Watey Baroor Diiqdiisii.(By Jaahuur)
Braz
il-12-July-2014-(SDN) Akhyaartay barnaamijkeena ciyaaraha waxaynu ku eegeyna koobkii kubadda cagta ee aduunka oo uu kulan kaliya ka hadhey kaas oo madaxa isla gali doonaan Germany iyo Argentina’
Haddii aaynu yara jaleecno xulka Brazil ee aay masiibadu ku dhacdey ayaa bahweynta ciyaarha jecel iyo kuwa falaqeeyaba waxay u aaneynayaan inuu khaladku ka yimid tababaraha iyo dadkii kale ee la soo xuley.
Shacab weynaha reer Brazil oo aragtooda ka dhiibtey dhawaajiyeen haddiii lagu soo dari lahaa ciyaartooy badan oo khibrad leh sida Kaka iyo qaar kalaba kumey dhacdeen masiibadan ku habsatey xulka Brazil.
Asxaabtaay ciyaartii ugu dambeysey ee loogu quus gooyey xulka Brazil loona tartamayey kaalinta saddexaad waxay foodda isla galeen xulka Holland oo garoonka ku soo galey farxad iyo kalsooni kuna hadaaqayey iney si fudud uga badin doonaan xulka Brazil.
Haddaba ciyaartii dhexmartey labada xul ee Brazil& Holland qeybtii hore ee ciyaarta daqiiqaddiii 2-aad ayaa Brazil looga naxsadey goolkii ugu horeeyey oo rigoore ahaa waxaana Holland u saxeexay Van Persie,kii labaadna waxaa qalinka ugu duugey daqiiqaddii 17-aad Bund.
Qeybtii dambe ee ciyaarta dhamaadkii ciyaarta daqiiqaddii 90-aad ayaa kii qalbi jabka loo raaciyey,ciyaartuna waxaa lagu kala faraxashey Netherland-3- Brazil-0-.
Bal saaxiibayaal bal aynu eegno Germany iyo Argentina meesha aay iska soo baxaan berito.
W/qorey Jaahuur
SDC-QJ
jjaahuur@qurbejoog.com