Xulka Holland Ayaa 5-1 Shaandhada Kaga Dhigey Xulka Spain DAAWO (World Cup 2014) By Jaahuur

Brazil-13-June-2014-(SDN) Saaxiibayaal qormadeena ciyaaraha waxanu ula haajireynaa xagaa iyo Brazil oo koobkii kubadda cagta uu si habsami ah ugu socdo,isaga oo maalintiisii labaad galey iyo xulka Holland oo goolal fara badan ku qarqisey xulka Spain. Haddaba shaley oo ciyaartii ugu horeysey lagu furey waxaynu ogsoonahay iney Brazil 3-1 ugu badisey Coartia,maantana Mixco 1 Camerom 0 iyo Chile 3- Australia 1. Ciyaartii la wada sugayey waxaa foodda isla galey Halland iyo Spain waxaana ka soo qeybgaley dadweyne kor u dhaafey 65,00o iyo dabcan taageerayaasha labada dhinac. Qeybtii hare ee ciyaarta daqiiqaddii 27-aad xulka Spain waxay nasiib u yeelatey rigoore waxaana shabaqa ku hubsadey Xabi Alonso,Holland oo hurdadii ka kacdey ayaa goolkoodii ugu horeeyey waxaa qalinka ugu jiidey Robin Van Persie daqiiqaddii 44-aad. Qeybtii labaad ee ciyaarta walow Spain aay fursado badan iska lumisey ayaa Holland waxay ka faa’iideysatey kuwii soo marey,daqiiqaddii 53-aad goolkii 2-aad waxaa Holland u dhaliyey Arjen Robben,kii 3-na daqiiqaddii 65-aad waxaa u raaciyey Stefan de Vrij,Holland oo goolasheedii sii wadata ayaa daqiiqaddii 72-aad goolkii 4-aad samirsiiyey Van Persie kii qalbi jabkana waxaa ku sagootiyey Arjen Robben. Haddaba Xulka Holland oo wali aan maskaxdooda ka bixin ciyaartii kamadambeysta ahayd ee koobkii kubadda cagta ee aduunka lagu qabtey South Africa 2010-kii,ciyaartaas Xulka Spain 1-0 ku badiyeen. W/qorey Jaahuur SDN jjaahuur@hotmail.com