Xulka Ghana Ayaa Hantiyey Koobka (GO TV WAFU CUP) Markii Aay 3-1 Ugu Itaal Sheegteen Xulka Senegal DAAWO(By Jaahuur)
Ghana-29-Nov-2013-SDN-Akhyaartay faaqidaaddeena ciyaaraha waxaynu ku jibaaxaynaa xulka Ghana oo hantiday Wafu Cup,markii aay khaarijisey xulka Senegal.
Ghana ayaa u dhameysey Senegal final-na tagtey iyada oo aan laga badin(GO TV Wafu Cup) korna u qaadey TROPHY,markii 3-1 ku dhirbaaxdey.
Ciyaartan oo aad u xiiso badneyd ayaa xulka Ghana daqiiqaddii 2-aad ee qeybtii hore ee ciyaarta goolkii ugu horeeyey kaga naxsadey xulka Senegal kaas oo ahaa Penelty ama rigoore.
Isla qeybtii hore ee ciyaarta Senegal umey jixin-jixin goolkaa laga dhaliyey waxaana u jawaabey Kabtanka xulka Roger Gomis.
Qeybtii dambe ee ciyaarta daqiiqaddii 77-aad ayaa xulka Ghana niyadda u dajiyey gool quruxbadana u dhaliyey Mohammed Sulley.
Daqiiqaddii 95-aad goolkii saddexaad ee qalbijabka waxaa ku macasalaameeyey isla Sulley oo ahaa geesigii guusha u horseedey Ghana.
Xulka Ghana ayaa mar kaliya laga badiyey intuu uu socdey tartankani.
Xulka Togo oo horey ugu guuleystey koobkan,ayaa kaalinta saddexaad galey markii 2-1 kula daladhaceen xulka Benin.
Haddaba xulka Ghana oo sannadkan faraha looga gubtey ayaa si xalad leh ugu soo baxay koobka kubbadda cagta ee Aduunka kana dhici doona Brazil xagaaga soo socda haddii Alaha awoodda leh ogolaado.
W/qorey Jaahuur
SDN