Xukuumada Somaliland oo dalbatay ansixinta xeerka Doorashooyinka

Hargeysa November 25, 2023 (QJ) -Xukuumada Somaliland ayaa ka codsatay golaha guurtida (Golaha Guurtida) in ay dadajiyaan ansixinta xeerka wax ka bedelka doorashooyinka.

Wasiirka Warfaafinta, Cali Xasan Maxamed (Cali Mareexaan), oo la hadlay warbaahinta, ayaa sheegay in dowladdu ay go’aan ku gaartay in la meel mariyo sharciga doorashooyinka ee la isku afgartay.

Wasiirku waxa uu xusay in golaha guurtidu ay kaalin mug leh ka qaataan ansixintiisa, inkasta oo ay wakhtigan la siiyay mud dheeri ah oo ay ku dersayaan xeerka, haddana waxa loogu baaqay inay mudnaanta siiyaan dib u eegista iyo ansixinta xeerka. Waxaanu ku dheeraaday muhiimadda ay golaha guurtidu u leedahay ilaalinta midnimada iyo nabad ku wada noolaanshaha qaranka.

Golaha Guurtida Somaliland ayaa dhawaan muddo bil ah dib u dhigay ansixinta xeerka dhammaystiran ee doorashooyinka, waxana tallaabadan mucaaridku u arkayeen mid ay xukuumaddu ku doonayso inay dib ugu dhigto doorashada. Mucaaradku waxa ay ku eedeeyeen xukuumadda in ku lug leedahay dib u dhigida ansixinta hannaanka doorashada iyada oo loo marayo Golaha Guurtida.