Xukuumada Somalia oo ku Hawlan Sidii ay ula Soo Wareegi lahayd Maraakiibta Somalia ee lagu Hayo Yemen

Muqdisho 28.June 2014 (SDN/QJ)-Wasiirka dekedaha iyo gaadiidka badda ee xukuumadda federalka ah ee Soomaaliya, Yuusuf Macallin Amiin (Baadiyow) ayaa sheegay in wasaaraddu ku howlan tahay sidii ay ula soo wareegi lahayd maraakiib Soomaalia leedahayoo ku sugan dalka Yemen.

Wasiirka  ayaa sheegay in wasaaraddu ay sii ambaqaadeyso dadaallo ay horay u sameeyeen dowladihii KMG ahaa ee Soomaaliya, kuwaas oo ay ku doonayeen in ay gacantooda soo galaan maraakiibtaas.

Wasiirka ayaa tilmaamay in maraakiibta qaarkood ay howlgabeen, wuxuuse xusay in ay jiraan kuwo shaqeeya, oo ay doonayaan in ay kala xaajoodaan ganacsato gacanta ku heysa xilligan.

Dhinaca kale, wasiirka dekedaha iyo gaadiidka badda ee xukuumadda Soomaaliya, Yuusuf Baadiyoow ayaa sheegay in  la midaen doono maamullada dekedaha Soomaaliya, iyadoo loo marayo sharciga.

Muqdisho SDN/QJ

contact@qurbejoog.com