Xubin Katirsanayd Golaha Wasiirrada Ethiopia Oo Si Kedis ah u Geeriyootay
Addis Ababa, Jully,13,2015(SDN/QJ)-Cali Siraaj oo ahaa Wasiir-dawlihii wasaarada ganacsiga ee Itoobiya, ayaa maalin-nimadii Sabtidii toddobaadkan si lama filaan ah ugu geeriyoodey magaalada Adama ee Ismaamulka Oromiya. Cali ayaa si kadis ah loogu soo booday isagoo geeriyoodey intii isbitaalka loo sii waday.
Masuulka ayaa ku gudajiray shir uu lahaa ururka OPDO oo ka mid ah EPRDF xiligii xanuunku ku soo booday, waxana uu xubin ka ahaa gollaha dhexe ee OPDO oo ah ururka u arrimiya Gobolka Oramiya.
Marxuunka oo da’adiisu ahayd 46 sano ayaa dhawaan laga soo doortay degmada Arada, Addis Ababa, halkaas oo uu ku guuleystay kursigii baarlmaanka.
Warbaahinta dawlada ayaa sababta geerida wasiirka ku sheegtay wadnaha oo istaagay, laakiin faahfaahin dheeraad ah oo kale lagama bixin.
SDN/QJ