XOG CULUS oo ay heshay qurbejoog: -Prof.Ismaaciil Max’uud Hurre Buubaa oo la wado in loo dhiibo Raysal wasaaraha Somalia iyo Magacyada Lix nin oo u sharaxan

Muqdisho 16Nov13(SDN) Xogag hoose oo ay heshay qurbejoog oo  ilo lagu kalsoonaan karo ayaa cadeynaya inay jiraan xubno miiska u saran Madaxweyne Xasan Sheekh Max’uud inuu u magacaabo jagada Wasiirka 1-aad kuwaasoo la filayo inuu magacaabo Madaxweynaha:

 

1-Prof.Ismaaciil Max’uud Hurre Buubaa oo Wasiirka Arrimaha Dibadda ahaa Dowladihii ay Madaxweynayaasha ka ahaayeen C/qaasim Salaad Xasan iyo Marxuum C/laahi Yuusuf.

 

2-Prof. Maxamed Gaas: Waa Aqoonyahan laga ixtiraamo wadamadda Iskandaneefiyaanka, wuxuuna barre ka yahay Jaamacad ku taal Dalka Norway,waana khabiir wax laga weydiiyo arimaha Geeska Afrika, Professorka ayaa hadda degan Dalka Norway.

 

3-Maxamed Sheekh (Doodishe)waa Professor macalin ka ahaan jiray Dalka Sudan, wuxuuna ka mid yahay madaxda ugu sareeyso Ururka Damjadiid, wuxuu ka soo jeedaa Gobolka Gedo.

 

4-Dr Cismaan Galti: waa aqoonyahan dhalinyaro ah, kana so shaqeeyay Bangga Aduunka ee IMF, iyo Hey’addo Caalami sida UNDP iyo UNIPOS, waxaana lagu xasuustaa inuu madax u ahaa Kooxdii IGAD ee shirkii dib u heshiisiinta ee Eldoret ee Xukuumadii Madaxweyne C/laahi Yusuf lagu soo dhisay, wuxuuna ka soo jeedaa Puntland

 

5-Xuseen Cabdi Xalane: Wuxuu ahaa Wasiirkii Maaliyadda ee Xukuumadii Farmaajo, mas’uulkan ayaa madax ka ah Ururka Save the Children ee Geeska Afrika.

 

6-maxamed abdulahi farmajo Oo Isaga Laga Yaabo Inuu xasan Sheekh maxamud U magacabo Ra’iisal wasaraha Inkasta Oo isaga Ka Caga Jidayo Inuu Noqdo ra’iisal wasaare.

qurbejoog.com

London