Xisbiga UCID Oo WADDANI Iyo KULMIYE Ku Eedeeyay Inay Olole Kaga Faa’idaysteen Bilawga DiIwaangelinta Gobolka Awdal DAAWO

Hargeysa 17 February, 2016 (SDN/QJ):- Masuuliyiin ka tirsan xisbiga mucaaridka ah ee UCID oo maanta shir jaraa’id ku qabtay xafiiskooda ayaa dhaliilo xoogan u jeediyay Xisbiyada kulmiye iyo Wadani Iyo Waliba Gudida Koomishanka qaranka Somaliland.

Waxaana masuuliyiinta ay ku eedeeyay xisbiyada wadani iyo kulmiye inay deegaanada gobolka awdal ee diiwaangalinta doorashooyinku ka sacdaan inay ka bilaabeen olole cad, iyagoona sidoo kalena gudida komishanka dooroshooyinka qaranka Somaliland ku dhaliilay inay ka gaabiyeen inay talaabo cad ka qaadan labadan xisbi ee olalah ka bilaabay gobolka awdal ee diiwaangalintu ka socoto waa siday hadalka u dhigeene.

 

Xoghayaha warfaafinta ee xisbiga UCID Yusuf Kayse Cabdi oo ugu horeynba ka hadlay shirkaa jaraa’id ayaa sheegay inay olole cad ay labada xisbi ee wadani iyo kulmiye ay ka bilaabeen gobolka awdal oo ay diiwaangalintu ka socotay dhanka kalena waxa sheegay inay gudiddu ay ka gaabisay inay talaabo ka qaado labadan xisbi ee buriyay heshiiskii ay galeen ee ahaa inaany olole la bilaabin tan iyo xiliga ay bilaabmayaan ololuhu waxaana uu yidhi xoghayuhu sida tan.

 

“Waxaan soo marnay 66 Goobood oo ay ka socdaa Diiwaangalintu intaa aan soo marnay labada xisbi munaaqibiintood midna ma joogin, waxaana maanta baaq u diraya Komishanka haddaanu xisbiga UCID nahay sidee baa loogu kalsoonaan karaa Komishanka. Maanta xeerkaan saxeexnay ku fulin kari la’ labadan xisbi ee olaha cad ka bilaabay gudaha gobolka Awdal hadaanu nahay xisbiga UCID maantana calaamatul su’aal ayaan saaraynaa Komishanka, haddii ay waxb ka qaban waayaan labadan xisbi”Sidaas ayuu hadalkii kusoo koobay Yuusuf Kayse Cabdi

 

Dhinaca kale waxa Isna ka hadlay xoghayaha xidhiidhka gobolada iyo degmooyinka ee xisbiga UCID Cabdiqani Ibraahim Salaf (Kabtanka), waxaana uu isna sidoo kale ka dhawaajiyay inaanu dadkeenu maanta u baahnayn olele ee uu u baahan yahay gurmad loo fidiyo maadama ay jiraan abaaro baahsan waxaanu yidhi, “Waxaynu wada ognahay inay dadkeenu maanta ku jiraan xaalad adag oo abaaro ah oo biyo la’aana halkii dadkaa looga naxariisan lahaa oo gurmad loo gaadhsiin lahaa in inta la geeyo 100 gaadhi iyo calaaman in cagta ka mariyo gibigoodiiba oo siigo lagu kiciyo iyadoon waxba la siinayn waa wax lala yaabo. Runtii hadanu nahay xisbiga ucidna waan canbaareynaynaa falkaas ay ka wadaa gobolka awdal labadan xisbi waxaanan leenahay komishanka taalo cad waa inaad ka qaadan Wadani Iyo Kulmiye olalahan ay ka wadaan gobolka awdal waad ka gaabiseen shaqadiinii laydiin igamadaye. ”ayuu yidhi Cabdiqani Kabtanka