Xisbiga Ucid oo soo bandhigay cudiidisi tageero ee Gobolada Somaliland
Hargaysa Oct 30/12 waxa maanta Taageerayaasha Xisbiga Cadaalada iyo Daryeelka ee UCID ay soo bandhigeen Cududooda Taageero iyagoo isku soo baxoodii balaarna isku yimid 
Fagaaraha Beerta Xoriyadda ee Magaalada Hargeysa. Ugu horayn waxaa madashaasi hadal kooban ka soo jeediyay Guddoomiyaha Gobolka Maroodi-jeex ee Xisbiga UCID isaga oo mahad naq balaadhan u soo jeediyay dhamaan Taageerayaasha Xisbiga UCID, sidoo kale-na kula dardaarmay inay Codkooda la-garab istaagaan. 
Iyaguna waxaa madashaasi hadalo kasoo jeediyay 25-ka Musharax ee Xisbiga UCID, iyaga oo dhamaantood Shacabka ka codsaday inay Codkooda la-garab istaagaan oo sidaa ay maanta u soo bexeen ay Maaalinta Codkana u soo bixaan. Sidoo kale Gudoomiyaha Xisbiga UCID Eng: Faysal Cali Waraabe oo isaguna madashaasi ka hadlay ayaa Shacbiga ugu baaqay inay Codkooda la garab istaagaan Musharixiinta Golaha Deegaanka ee Xisbiga UCID, waxaanu yidhi “Waxaan idiin sheegayaa walaalayaal Doorashadan la galayaa waa Doorashadii Dawladaha Hoose, waxa la dooranayaa dadkii Magaaladaa ka shaqayn lahaa ee maamuli lahaa, waxa hada muuqata inaanay Dawladeheena Hoose aanay Shaqadoodii qabsan, Shaqada qudha ee ay qabtaana ay tahay inay Dhulka iibsadaan, hase-ahaatee waxaanu jecelnahay INSHA ALLAH inaanu idiinsoo doorno Dad wanaagsan ood idinkuna dadkaa soo saartaan oo aynu gacanta ku qabano Maamulka Magaalooyinkeena, oo maanta Caasimadeena Hargeysa waxay u eekaatay Tuulo Weynaatay ee Caasimad uma eeka, laakiin Magucuunbay qaadatay waxaanu jecelnahay inaanu Bilic u samayno, inaanay mar dambe Caruurteenu ku Ciyaarin Wadooyinka oo aynu u samayno Garoomo, Biyaha lawada gaadhsiiyo, Nadaafadeeda laga Shaqeeyo, Walaalayaal haddaba aynu Codkeena siino Musharixiinta Xisbiga UCID ” Ayuu yidhi Eng: Faysal Cali Waraabe. Gebagabadii munaasibadaasi ayaa waxa soo afmeeray musharaxa madaxwaynaha ee xisbiga ucid aqoonyahan Jamaal cali xuseen isaga oo qiray in ay shacabka reer hargeysaad muujiyeen taagerada ay u hayaan xisbiga ucid waxaanu yidhi “Runtii maanta magaalada hargeysi waxay muujisay taageerada ay u hayso xisbiga cadaalada iyo daryeelka aad iyo aad ayaad u mahadsantihiin dadkaa maanta halkaa isugu yimid ee baaxada leh ee bacadka taagan aad iyo aad ayaanu idiinku mahad naqaynaa waxaan rajaynaynaa inaad codkiina nasiisaan intiina halkan nala joogta iyo inta warbaahinta naga dhagaysanaysaba waar dalkeenu badbaaduu u baahanyahay xisbiga cadaalada iyo daryeelku wuxuu tusayaa wax cusub waxaynu rajaynaynaa inaad maalintaasi codka naagu deeqdaan codka aad nasiinaysaana maanta anigu musharax golaha deegaanka ah ma ihi laakiin musharixiin baanu leenahay musharixiinta u tartamaysa golaha deegaanka xisbiga cadaalada iyo daryeelka ucid fadlan taageerada ugu deeqa waa hadii aad doonaysaan inaanu hadhowtoole baarlamaanka iyo madaxtooyadaba aanu ku yeelano quwad aanu idinka wax idiinku qabano” Ayuu yidhi Jamaal cali xuseen
Hargaysa qurbojoog.com
Maxamed Xasan
