Xisbiga UCID Oo Magacaabay Wakiilka Xisbiga U Qaabilsan Socialis-ga Iyo Midawga Yurub

Hargeysa 11Dec13(SDN) Guddoomiyaha Xisbiga Mucaaridka ah ee UCID Eng. Faysal Cali Waraabe ayaa magacaabay Wakiilka Midawga Yurub ee Xisbigaasi.

 

 

Warsaxafadeed ka soo baxay Xisbiga UCID ayaa u dhignaa sidan:-

 

 

Uj: Xil-Magacaabis.

“Xisbiga Caddaalada iyo Daryeelka UCID markuu arkay baahida wayn ee loo qabo in la magacaabo Waliilka Socialist International (SI) iyo Midawga Yurub (EU) ee Xisbiga UCID, Markuu Xisbiga UCID ku qancay kartida iyo wax-qabadkiisa waxa uu maanta oo ay taariikhdu tahay 07/12/2013 u magacaabay Wakiilka  Socialist SI iyo Midawga Yurub ( EU) ee Xisbiga UCID Md. Siciid Cumar Cabdillaahi.

Isla markaana la faray in hawshiisa si dhakhso ah uu u bilaabo kana soo baxo waajibaadka loo igmaday.

Waxaanu Illaahay uga baryaynaa in uu  u fuduudeeyo hawsha loo dhiibay.