Xildhibaano iyo fanaaniin Somaliyed oo maantay gaaray Magaalada Baladweyn ee Gobolka Hiiraan

Baladweyn Dec 08, 2012 (SDN)—Afar ka mid ah xildhibaanada baarlamanka Somaliya  iyo koox fanaaniin ah ayaa maanta ka ambabaxay magaalada   Muqdisho, iyagoo ka degay garoonka dayuuradaha Ugaas   Khaliif oo ku yaala duleedka magaalada Baladweyne ee  gobolka Hiiraan.

Xildhibaanada iyo fanaaniinta aya horey u sii raacay   dayuuradii ugu horeysay rakaab ah ee sanado badan   ka dib ka degtay magaalada B/weyne ee gobolka Hiiraan  taasoo todobaadkiiba min labo jeer duulimaad ku tegi   doonta magaalooyinka B/weyne, Kismaayo iyo Baydhabo.

Garoonka dayuuradaha Ugaas Khaliif ee duleedka magaalada  B/weyne ayaa waxaa dhowaan dayactiray amaankiisana  gacanta ku haya ciidamada AMISOM ee ka socda dalka  Jabuuti.

Xildhibaanada iyo fanaaniinta maanta ka degay magaalada  B/weyne ayaa halkaas kaga qeyb galaya xaflad loo sameynayo maalmaha soo soo socda ciidamo ka tirsan dowlada oo tababar ay u soo xirayaan ciidamada Jabuuti ee AMISOM   ka socda.

SDN-Baladweyne