Xildhibaan ka tirsanaa Guurtida oo ku geeriyooday Shil baabuur oo ka dhacay jidka Hargeysa iyo Berbera isku xidha

Berbera, 03, June (SDN)- Alle ha u naxariistee  waa saaka shil baaruur  oo ka dhacay tuulada huduse ee gobolka Saaxil ku geeriyooday Xidhibaan Ismaaciil Xaaji Cabdi Ducaale  oo ka mid ahaa Mudanayaasha Golaha Guurtida Somaliland.

Xildhibaankan maanta ku geeriyooday agagaarka Huduse ee uu gaadhigu kula dhacay ayaa noqonaya masuulkii labaad ee todobaadkan gudihiisa shil noocaas oo ka dhacay deegaanadaas ku geeriyooda, iyadoo maalintii Jimcaha ee doraad uu Maamulihii Kastamka Berbera Marxuum Cali Bulbul uu ku geeriyooday shil noocan oo kale ah.

Xildhibaankan maanta ku geeriyooday shilka baabuur ayaa ka yimi dhinaca magaalada Burco, waxaana shilkaas ku dhaawacmay qof kale oo la socday, waxaana marxuumka maydkiisa la keenay magaalada Hargeysa.

INAA LILAAH WA INAA ILAYHI RAAJUCUUN.

SDN, Hargeisa