Xildhibaan ka Tirsanaa Golaha Deegaanka ee Magaalada Berbera oo Hargaysa lagu aasay

Hargaysa 18.July (SDN) Waxa maanta aas Qaran loogu sameeyey  Xabaalaha Naasa Hablood ee Magaalada Hargeysa Mar-xuum Cabdi Xuseen Rooble(Cabdi Looliya) oo ka tirsanaa xildhibaanada Golaha degaanka ee Magaalada Berbera.

Aaskan ayaa waxa ka soo qayb galay Gudoomiyaha Golaha wakiilada Mud,C/raxmaan maxamed C/llahi, Gudoomiyaha Gobolka Saaxil Mud,Cali Maxamed Cilmi , Maayirka Degmada Berbera Mud, C/shakuur Maxamed xasan,Maareeyaha Dekeda  Berbera Mud, Cali Xoor-xoor, xildhibaanada Golaha degaan Degmada Berbera iyo dadweyne tiro badan.

Masuuliyiinta iyo dadweynaha Aaska ka qayb galay ayaa marxuumka waxay ilaahay uga baryeen inuu Naxariistii Jano ka waraabiyo, Qoyskii iyo Eheladii uu ka baxayna ilaahay samir iyo Iimaan ka siiyo.

Hargaysa SDN.

Qurbejoog.com