Xildhibaan C/risaaq Faarax Xasan (C/risaaq Qawdhan) Oo Beeniyey Warar Sheegayey Inay Wadaan Mooshin Xilka Lagaga Xayuubinaayo Maayarka iyo M/Kuxigeenka Caasimada Hargeysa

Hargeysa 20/8/2014(SDN/QJ)-Xildhibaan C/risaaq Faarax Xasan (C/risaaq Qawdhan) oo ka mida Golaha Deegaanka ee Caasimada Hargeysa ayaa beeniyey warar sheegayey in isaga iyo xubno ka mida Golahoodu ay wadaan Mooshin xilka lagaga xayuubinaayo Maayarka iyo Maayar ku xigeenka Caasimada ,Warkan oo ay baahiyeen qaar kamida Shabakadaha Somaliland.

Xildhibaan C/risaaq Faarax Xasan (C/risaaq Qawdhan) oo maanta warbaahinta kula hadlay magaalada Hargeysa ayaa waxa uu wax lala yaabo ku tilmaamay  warkaasi aan salka iyo raadka lahayn ee laga been abuuray isaga iyo xildhibaanada kale ee golahooda isagoo arimahaasi ka hadlaayana waxa uu yidhi” Waxan halkan ka sheegayaa inaanay waxba ka jirin wararka sheegaayey in aan wado mooshin xilka lagaga xayuubinaayo Maayarka iyo M/kuxigeenka caasimada ,warkaasi waa war been abuura oo cid aan danta ummadda wadini qortay waanan ka xumahay in warbaahintii ummadda wacyi-galinteeda laga sugaayey ay warar been abuura oo isku dhufasho ah qoraan”