Xildhibaan Adan Jama Kahin oo loo magacaabay inuu ka mid noqdo dadka isu soo taagaya (City Councilka) magaalada Milton keynes, UK

Milton Keynes Nov 13,2013(SDN)-Waxan marka hore ugu hambalyaynaya walaalkeen Adan Jama Kahin , imikana ah Xildhibaanka Deegaanka Campbell Park ee Milton keynes, ku darida dadka u tartamaya City councilka..

Waxa inta u sii dheer Xildhibaanka inuu hayo jagada ah Madaxa Jaaliyada (President) dadka Somalida ah ee Milton Keynes, Lataliyaha Jaaliyada Luton, iyo waliba Gudomiye/Kuxigeenka Ladagalanka Qaadka oo imika meel fiican maraya.

Sidaan warka ku hayno waxa jiray shir uu laha Xisbiga Shaqaalaha ee UK , kaaso lagu qabtay Axadii imika dhamaatay Gole ku yaal xaafada la yidha Eagleston. Shirkaaso lagaga wada hadlaayay sidii loo xoojin laha doorashada xisbiga shaqaale ee lagu wado inay dhacdo sanadka 2015.

Hadaba markii u shirkaasu dhamaaday ayaa waxa Adan Jama, si gaar ah ula kulmay Gabadha u sharxan Xildhibaanka Golaha Wakiilada ee UK (Candidate of member of parliament) , Mrs. Emily Darlington iyo ninka ka ah madaxa olalaha doorashooyinka magaalada ee xisbiga shaqaalaha Mr. Kevin.

Shirka gaar ah oo ay la yeesheen xildhibaanka waxay u soo jeediyeen inay bil ka hor ku dareen magiicsa ragga iy dumarka u sharxan inay u tartaman jagada ah (City Councilor) taaso ka kooban ila 49 qof oo maamula magaalada Milton keynes. Ha noqoto dhinaca jangoyta guryahay, tirakoobka, gaadiidka, waxbarasha, caafimaadka iyo wixii la mid ahba.

Mar aanu Adan arrinka ka waraysanahay waxa uu yidhi ,Inkasto, ay tahay guul u soo hoyatay Somalida ku nool Milton keynes, hadana waan ka fekeraya arrinta , waayo meesha uu tartanku ka dhacaya maaha Xaafadaha aan imika ka hawl galo, taasina inan aad uga fekero ayay noqonaysa ayuu ku gunanaday hadalkiisi Adan oo arrinta ka hadlaya. Balse wixii arrinta ka soo kordha waynu idinla socod siin doona.

Qalinkii

Ahmed Ali

Tafatiraha Wargeyska Onkod, UK