Xiddigga Reer Argentiin Leo Messi Ayaa Ku Nagaadi Doona Barcelona Noqdeyna Ciyaaryahanka Ugu Qaalisan Aduunka.(By Jaahuur)

Barcelona-17-may-2014-(SDN) Asxaabtay faaqidaadeena ciyaaraha waxaynu ku bidhaamineynaa xiddiggaa reer Argentin una ciyaara naadiga Barcelona Leo Messi ayaa heshiis la galey Camp Nou.

Heeshiiskan oo socdey wiigaggii aynu soo dhaafney ayaa is afgarad ku dhamaadey markii uu Messi qalinka ku jiidey 16.3 Million oo lacagta Ingiriiska ah,ayaamaha soo socdana waxaa shaaca laga qaadi doonaa inta xagaa ciyaareedka uu la joogi doono,waloww la iclaamiyey ilaa 2019-ka.

Leo Messi oo noqdey ciyaaryahanka uGu qaalisan aduunka ayaa heshiiskan ku faraxsan,markii kan wakhtigiisii dhamaadey uu kala kulmey dhaawacyo badan iyo kaambeygiisii ahaa inuu ku guuleysto La Liga oo aan u suurtoobin.

26-tan jirkan Messi ayaa naadiga Barcelona ku soo biirey 2004-kii isaga oo 17-an jir ah,wuxuuna ciyaarey 424-tan ciyaarood goolasha uu dhaliyey waa 350 gool.

Mar aay warbaahintu weydiisey inuu u dhigmo halyeygii reer Argentiin Maradoona,wuxuu ku jawaabey anigu ma ahi Maradona laakiin waxaan ka jawaabidoona haddii aan ku guuleysto koobka kubadda cagta ee aduunka ee ka dhici doona carigaa Brazil bishan June ee foodda ingu soo haysa.

W/qorey Jaahuur

SDN

jjaahuur@hotmail.com