Xaalad Bandoo ah oo lagu soo Rogay Magaalada Jawhar

Jawhar 14.July 2014 (SDN/QJ)- Magaalada Jowhar ee xarunta gobolka Shabeellaha dhexe ayaa caawa lagu soo rogey Bandow soconaya illaa waaberiga.

Taliyaha guutada kowaad ee ciidanka xoogga dalka Soomaaliya ee fadhigiisu yahay Jowhar, Ibraahim Yuusuf ayaa u sheegay warbaahinta in bandowga oo billaabanaya 11 saac ee galabnimo,uuna  ku ekaan doono wakhtiga subixii.

Taliyaha ayaa tilmaamay in Bandowgu qayb ka yahay qorshe ciidamadu ay ku adkaynayaan nabadgalyada degmada, wuxuuna ka codsaday dadweynaha in ay la shaqeeyaan ciidamada.

Bandowga ayaa isla caawaba ka dhaqan galay magaalada Jowhar, iyadoona ay taagan yihiin dhaqdhaqaaqa ganacsiga, dadka iyo gaadiidka.

Hawlgallada ayaa daba socda falal amni darro oo dhawaan ka dhacay magaalada Jowhar, hase yeeshee ma sheegin taliyuhu muddada rasmiga ah ee uu socondoono Bandowgu.

Jawhar SDN/QJ