Weerar Noociisa aan Hore loo arag oo London ka dhacay

London May 23,2013(SDN)-Laba Nin oo aan ilaa hada la shaacin magacooda ayaa weera noociisa aan hore loo arag ku dilay nin ka tirsanaa ciidamada dalka Britain.

Labada nin ayaa dharaar cad weeraray nin Askari ah oo marayay wado hor marta xero ciidan oo London ku taal.

Labada Nin oo ku hadaaqayay “Allahu Akbar”sida ay sheegeen dad goobjoogeyaal ahaa ayaa ninka Askariga ah markii hore Jiirsiiyay Gaari ay wateen ka dibna Toori ku jarjaray.

Ragan ayaan weerarka ka dib baxsan oo dad goobta ku soo ururay ku khasbayay in ay sawiro ka qaadaan,isla markaana ay uga waramaan weerarkooda.

Booliska ayaa ragan gacanta ku dhigay ka dib kolkii ay toogasho ku dhaawaceen labadii ninba

Raiisul Wasaaraha Britain oo safar ku joogay Faransiiska ayaa London ku soo noqday,weerarka awgii.

David Cameron ayaa sheegay in aanu weerarkani aheyn kii noociisa ah ee ka dhaca Britain.

Isla markaana ay reer Britain noloshooda waxba ka badeli doonin weerarada fuleynimo ee noocan ah.

Ciidamada MI5 ayaa sheegay in haatan ay ku gudo jiraan baaritaan ay ku wadaan weerarkan.

SDN-London

contact@somalidiasporanews.com