Wasaaradda Waxbarashada Somaliland Oo Si Rasmi ah u shaacisay Natiijada Imtixaanaadka Shahaadiga ah ee Fasallada 8-aad iyo 4-aad
Hargeysa:Sep,29,2014(SDN/QJ)-Wasaaradda Waxbarashada iyo tacliinta sare ee Somaliland, ayaa maanta si rasmi ah u shaacisay Natiijada imtixaanaadka Shahaadiga ah fasalada 8-aad ee Dugsiyada dhexe iyo kuwa 4-aad ee Dugsiyada sare.
Shir Jaraa’id oo ay Wasaaradda iyo xafiiska Imtixaanaadka oo iskaashanayaa saaka ku qabteen Xarunta xafiiskaasi ku leeyahay Magaalada Hargeysa, ayey ku shaaciyeen Natiijada Gebi ahaanba Ardaydii sanadkan ka baxday Fasallada Siddeedaad iyo kuwa Afraad ee Dugsiyada Somaliland ku yaalla.
Masuuliyiinta wasaaradda Waxbarashada ayaa sheegay inay sanadkan Falada siddeedaad ee Dugisyada Siddeedaad imtixaanka u fadhiisteen 13266-Arday, kuwaas oo ay intooda Badani Gudbeen, Halka ay fasallada Afraad ee Dugsiyada sarena u fadhiisteen 7799-Arday oo Maanta natiijadii ay keenaan la shaaciyey.
Waxa Halkaas lagaga Dhawaaqay Tobanka Arday ee ugu sarreeya Dugsiyada Siddeedaad ee Dugsiyada dhexe iyo Waliba Tobanka Arday ee ugu sarreeyey Dugsiyada Afraad ee Dugsiyada Sare, waxana Sanadkan Fasallada Siddeedaad kaalinta Koowaad ka galay Dugsiga Dugsiga Ilays oo ku yaala Magaalada Hargeysa.
Fasallada Afraad ee Dugsiyada Sare waxa Kaalinta Koowaad ka Galay Dugsiga Dayaxa ee Magaalada ee Magaalada Burco.
Waxa xusid mudan in sanadkan uu xafiiska imtixaanaadku nidaamkii uu Natiijada u soo dhejin jirey kusoo kordhiyey inuu Dugsiyada Gaarka loo leeyahay Gaarkooda kala sarrayntooda u soo saaray, Halka uu kuwa Dawliga ahna kala sarrayntooda si gaar ah usoo saaray.
Masuuliyiinta Xafiiska imtixaanaadka oo uu ugu horreeyo Guddoomiye Daa’uud Axmed Farax, ayaa Halkaas uga Mahadceliyey Guud ahaanba Maamulka Dugsiyada iyo Ardayda Maanta Natiijadoodii helay, waxana uu usoo jeediyey inay Dedaalkooda Halkaas kasii wadaan.
Wasiiru-dawlaha wasaaradda Waxbarashada iyo tacliinta Sare Axmed Nuur Faahiye oo isaguna Halkaas ka Hadlay ayaa sheegay inuu ku faraxsan yahay inay Ardaydu helaan Natiijadooda oo ay muddo Sugayeen.
SDN/QJ
Contact@somalidiasporanews.com