Wariye Mohamed Dhaaley oo Shahaaddo Caalami ah la gudoonsiiyay

Mogadishu (SDN)- Wariye Mohamed Abdullahi Dhaaley oo ka tirsan Bahweynt somalidiasporanews, sidoo kalena ah Wariye Sports-ka wax ka qora oo Warbaahin Caalami ah la shaqeeya ayaa la gudoonsiiyay Shahaaddo Caalami ah oo lagu sharfayo dhaqdhaqaaqyada uu Wariyuhu uga qayb-qaato tabinta Wararka Sports-ka Soomaaliya.

Xaflad ka dhacday xarunta Guddiga Olombikada Soomaaliyeed ayaa dhawaan Wariye Mohamed Dhaaley waxaaay gudoonsiiyay Shahaaddo ka soo baxday Guddiga Olombikada Aduunka ayna si wada jir ah ugu saxiixanyihiin gudoomiyayaasha Guddiyada Olombikada Aduunka iyo midka Soomaaliya.

Kaaliyaha Xoghayaha guud ee guddiga Olombikada Soomaaliyeed ahna Gudoomiyaha Xiriirka Kubadda Gacanta ee dalka Mudane Maxamed Xuurshe Eenow ayaa gudoonsiiyay Wariyaha Shahaadada, waxaana si gaar ah loogu amaanay isaga iyo Warbaahinta uu wax ku qoraba sida ay uga qayb qaataan baahinta Wararka ku saabsan Sports-ka dalka gaar ahaanna dhaq-dhaqaaqyadii loogu dabaal-dagayay Maalinta Olombikada Aduunka oo Muqdisho dhawaan lagu qabtay.

Munaasabado heer sare ah oo aan iyagoo kale ka dhicin Soomaaliya muddo Labaatan Sano ah ayaa lagusoo dhaweeyay Maalinta Olombikada Aduunka. Waxaana Wariye Dhaaley uu ka mid ahaa Saxafiyiintii ka qayb qaadatay soo tabinta Warbixinada munaasabadaas isagoo Warbaahinta Goal.com ee Caalamiga ah qaybteeda Afka Carabiga wax ku qorta oo uu la shaqeeyo ku qoray wararka munaasabadaas ku saabsan.

Waxaa hoos ku xusan mid ka mid ah Wararkii uu Wariye Dhaaley maalinta Olombikada

Aduunka ka diyaariyay ee uu kaga qayb qaadanayay dhaq-dhaqaaqyadaas horumarka Sports-ka dalka ka tarjumayo iyo in dadka aduunka lala socodsiiyo isbedelada uu Sports-keenu ku tallaabsanayo

http://www.goal.com/ar/news/2093/%D8%A7%D9%84%D9%83%D8%B1%D8%A9-%D8%A7%D9%84%D8%B9%D8%B1%D8%A8%D9%8A%D8%A9/2012/06/26/3201522/%D8%AE%D8%A7%D8%B5-%D8%A8%D8%A7%D9%84%D8%B5%D9%88%D8%B1-%D8%A7%D9%84%D8%B5%D9%88%D9%85%D8%A7%D9%84-%D8%AA%D8%B3%D8%AA%D8%B9%D9%8A%D8%AF-%D8%AC%D8%B2%D8%A1%D8%A7-%D9%85%D9%86-%D9%86%D8%B4%D8%A7%D8%B7%D9%87%D8%A7-%D8%A7%D9%84%D8%B1%D9%8A%D8%A7%D8%B6%D9%8A-%D8%A7%D9%84%D9%85%D9%81%D9%82%D9%88%D8%AF-%D9%85%D9%86%D8%B0

si kastaba ha ahaatee wuxuu Guddiga GOS ee Olombikada dalku ku amaanay Wariyaha sida aadka u wanaagsan ee uu ula shaqaynayo Olombikada iyo Sports-ka Soomaaliyeed isagoo illaa 2009-ka si qota-dheer ula socday dhaq-dhaqaaqyada Sports-ka oo uu danayn gaar ah siinayay inuu Warbixinada ku saabsan u gudbiyo warbaahinada uu isagu Wakiilka uga yahay Somalia.

Shahaaddo Sharaf ayaa iyana Wariye Dhaaley loogu dhiibay Warbaahinta www.goal.com ee uu la shaqeeyo iyadoo looga mahadceliyay Goal sida ay u danayso Wararka Soomaaliya iyadoo ah Warbaahin baaxad wayn leh oo Luuqado badan wax ku qorta si waynna Sports-ka horumaray ee Caalamka diiradda u saarto balse Somalia oo soo koreysa u ogolaatay inay qayb ka mid ah Wararka Caalamiga ah ee ay Warbaahintaasu tabiso ku darto.

Wariye Mohamed Abdullahi Dhaaley wuxuu xubin ka yahay Ururka Saxafiyiinta Sports-ka ee Soomaaliya (SSPA), waxaana uu marka laga tago Wararka Sports-ka yahay Qoraa Maqaalada iyo Warbixinada Siyaasadda iyo arrimaha Bulshada ku saabsan aad u qoro isagoo Shabakado badan oo Wararka faafiya oo Soomaali iyo Shisheeyaba ah in muddo ah wax ku qorayay.
SDN-Muqdisho

contact@somalidiasporanews.com