4:34 am | Posted by

Wargelin Shacabweynaha Somaliland gaar ahaan cariga ingiriiska UK, waxaa la ogeysiinayaa Daladan cusub oo hirgashay ” Dalada Badbaadada Midnimada Somaliland”

Dalada Badbaadada  Midnimada Somaliland  waa Dalad dhawaan lagaga dhawaaqay Galbeedka magaalada London oo ay u dhan yihiin siyaasiin ,aqoonyahano, indheer garad iyo madax dhaqameedyo ka soo kala jeeda dhamaan deegaanada Somaliland oo dhan.ujeedada daladu waxay tahay in la badbaadiyo midnimada iyo qaranimada dalka jamhuuriyada Somaliland oo hada uu Virus galay  si shacab ahaan iyo dawlad ahaanba looga samata bixiyo maamul xumida iyo hogaan la’aanta dalka ku habsatay loona soo celiyo shacabweynaha JSL midnimadoodii, waxwada-lahaanshihii iyo  sumacadii guud ee gudaha iyo debeda  ee qaranku ku lahaa mandaqada.

Waxay Daladaasi ku dadaali doontaa in ay mideeyaan shacab weynaha reer Somaliland gudo iyo debedba si looga midoobo danta guud ee qaranka
 waxaana ay xubnaha daladaasi ku dadaali doonaan inay dhamaan la xidhiidhaan  Hayadaha iyo dawladaha  daneeya Nabadgelyada ,jiritaanka iyo sumcada Jamhuuriyada somaliland isla markaana waxay  ka hawlgeli doonaan maamul wanaaga iyo isku xidhka wada shaqaynta gobolada iyo Degmooyinka dalka si loo soo celiyo rajada shacab weynaha reer  somaliland min Bari ilaa Galbeed oo hoos u dhac weyn iyo kala fur- fur uu ku yimi mudo xileedkii ay hogaanka  qabatay Xukuumada maanta dalka haysa.
Waxaa ay daladani ay aaminsan tahay Madaxbanaanida Somaliland, Waxaana ay iskaashi buuxa la yeelan doontaa Jaaliyadaha Somaliland ee qurbo-joogta oo dhan , gaar ahaan kuwa ku nool North America iyo Yurub , Waxaa na ay xarunteeda dhexe ay noqon doontaa Caasimada London insha-allah.
Alleh Ayaa Mahad Leh
Dalada Badbaadada Midnimada Somaliland ( DBMS)

Comments are closed