Wadooyinka Magaalada Muqdisho oo Afar maalin kaddib dib loo furay

Muqdisho May 04 2013 (SDN)— Waxaa maanta dib loo furay muddo afar maalin kadib ah isu socodka dadka iyo gaadiidka wadooyinka Magaalada Muqdisho oo dhowr maalin hakad ku jiray.

Wadada Maka Al-Mukarama ee Magaalada Muqdisho ayaa kamid ah wadooyinka waaweyn ee maanta ciidanka Dowladda ay fureen,iyadoo halkaasi lagu arkayey gaadiid badan oo durba isticmaalaya.

Qaar kamid ah wadayaasha gaadiidka ayaa sheegay inay aad ugu faraxsan yihiin wadooyinka maanta dib loogu furay ayna siiwadanayaan howlahooda shaqada.

Guud ahaan wadooyinka ayaa si iskumid ah loo furay iyadoo ciidamadii taag-taagnaa wadooyinka Magaalada Muqdisho ay halkaasi ka dhaqaaqeen.

Muddo afar maalin ah ayeey xirnaayeen wadooyinka Magaalada Muqdisho kadibna maanta ayeey suuragashay in wadooyinka dhan ay furmaan.

SDN