Wadahadaladii Isarel iyo Falastine oo dib uga furmay Jerusalem

Jerusalem Aug 15,2013(SDN)-Waxa magaalada Jerusalem dib uga furmay wadahadaladii mudada dheer la naawilayay  u dhexeeyay dawladaha Israel iyo Falastiine.

Wadahadaladan oo ay hareeyeen shaki iyo rajo xumo ayaa ka furmay goob aan la shaacin oo ku taal magaalada doodu ka taagan tahay ee Jerusalem.

Labada dal ayaan mudo ka badan shan sanadood isu horfariisan wax wadahadala,waxaase haatan in dib la isu soo hor fariisto ka shaqeeyay dawlada Mareykanka.

Sidoo kale waxa dhinacyada isu soo dhaweeyay ka dib kolkii ay dawlada Isael xabsiadeeda ka sii deysay tiro maxaabiis Falastiiniyiin ah.

Sidoo Kale Mareykanka ayaa ku qanciyay Israel in wadahadaladu ay ku saleysnaadaan xuduudihii sanadii 1967dii.

Si kastaba ha ahaatee waxa jira shakiyo faro badan oo ku xeeran natiijo ka soo baxda wadahadaladan haatan dib u furmay ee labada dhan.

SDN-Jerusalem
contact@somalidiasporanews.com