Ururka Samafalka Hayaan ee dalka Canada oo Aduun faro badan ugu deeqay Mashruuca Wadada Cad
Edmonto Mar 24,2014(SDN)-Ururka Samafalka ee Hayaan oo ka diiwan gashan dalka Canada ayaa kulamo iyo dedaalo ay sameeyeen ka dib waxa ay lacago faro badan uGu deeqeen mashruuca Wada cad ee isku xidheysa Hargeysa ilaa Ina Guuxaa.
Ururka Samafalka ee Hayaan ayaa shaaciyay in haatan ay ku guuleysteen dedaal dheer dabadii in ay Jaaliyada reer Hargeisa ee ku dhaqan Gobolka Alberta ay ka ururiyeen Aduun Dhan $16000 dollar.
Hayaan ayaa wacyigelin iyo baraarujin dheer oo ku saabsan muhiimada Wadadu u leedahay bulshada dabadeed waxa ay qaadeen olole balaaran oo ay qaadeen ka dib waxa ay ku guuleysteen in ay soo ururiyaan aduunka intaa dhan.
Gudida maamusha ururka Samafalka ee Hayaan ayaa sheegay in ay lacagahaasi ay ku wareejinyaan gudida mashruuca wadada cad sida ugu dhakhsaha badan.
SDN-Edmonton