Urur Siyaasaddeed oo muddeeyay Shirweynihiisa 1aad
Hargeysa, 04, April 2012 (SDN)- Urur Siyaasadeedka Rays ayaa Warsaxaafadeed uu soo saaray Maanta waxaa lagu cadeeyay in Shirweynaha 1aad ee Ururkan la qaban doono 10-ka bishan aynu ku guda jirno ee April ee Sannadka 2012 Waxaa kale oo lagu magacaabay Xubnaha Gudida Qaban qaabada Shirweynahan oo ka kooban Laba iyo Toban Xubnood.
Nuqul ka mid ah Warsaxaafadeedkan oo soo gaadhay Xafiiska Wararka ee SDN, isla markaana uu ku saxeexan yahay Afhayeenka Urur Siyaasadeedka Rays Khaliif Maxamed Warsame ayaa lagu sheegay in Shirweynahani uu 10 bishan ka furmi doono huteelka Xara fee Caasimada Hargaysa iyadoo lagu Wargaliyay dhamaanba ergada ka qayb qaadanaysaa inay sidaa ula socdaan .
Geesta kale Waxaa Warsaxaafadeedka lagu cadeeyay in Gudoomiyaha Urur Siyaasadeedka Rays u Magacaabay laba iyo tobankan xubnood inay noqdaan Gudida Qaban qaabada Shirweynaha 1aad Kuwaas oo kala ah.
- Aadan Axmed Cilmi Gudoomiye
- Khaliif Maxamed Warsame Gudoomiye ku Xigeen
- Ismaaciil Jaamac Ibraahin
- Sheikh Ismaaciil Ciise
- Ibraahin Cali Axmed
- Mire Maxamed Xuseen
- Faadumo Axmed Jaamac
- Raxma Maydal Muuse
- Canab Aw Cali
- Iid Maxamed Ismaaciil
- Khadra Maxamed Faarax
SDN, Hargeisa Somaliland