Todobaadkii Tegay iyo Shilalka Gaadiid ee Hargaysa iyo Berbera iyo Khasaaraha kuwii u danbeeyay
Hargaysa 01.March 2015 (SDN/QJ)- Sagaal qof ayaa dhaawacyo kala duwani ka soo gaadheen Laba Shil oo Shalay Galab Ka dhacay Jidka Xidhiidhiya Magaalooyinka Hargaysa,Berbera iyo Burco.
Photo File
Shilka 1aad ayaa ka dhacay Deegaanka Lafo ruug kadib markii ay isku dhaceen laba gaadhi oo kala ahaa Land Cruser ah iyo baabuur nooca raaxo taxi waxaana ka dhashay dhaawac soo gaadhay Lix qof iyadoo dadkii shilkaasi wax ku noqday loo kala qaaday Magaalooyinka Hargaysa iyo Berbera.
Dhinaca kale Shilka labaad ayaa ka dhacay Wershada Sibidhka Berbera kadib markii uu qalibmay gaadhi Land Cruser isla markaana ay ku dhaawacmeen 3 qof oo Cisbitaalka Berbera lagu dawaynayo.
Todobaadkii hore iyo kan haatan bilaabmay ayaa shilalka gaadiidku aad u bateen taas oo loo aanaynayo Xawaaraha xoogan ee gaadiidku ku socdaan, culayska badan ee gaadiidka la saarayo iyo Taxadir la’aan haysata wadayaasha gaadiidka .
Geesta kale Todobaadkii dhamaaday iyo Bilowga Todobaadkan Cusub ee aynu ku guda Jirno ayaa Tirada Shilalka Gaadiid ee ka dhacay Jidka Xidhiidhaya Hargaysa,Berbera iyo Burco waxa uu ka dhigayaa 8 gaadhi.