Taliye ku Xigeenka 1aad ee Booliska Somaliland oo Socdaal Shaqo ku tagay Magaalada Boorama.

Boorama 05.Feb.(SDN) Taliye ku xigeenka  Ciidanka Booliska Somaliland sareeye Guuto Cabdiraxmaan Axmed Liibaan ayaa maanta kormeer hawleed ku tegay xarunta Gobolka Awdal ee Boorame.

Taliye xigeenka oo socdaalkiisa uu ku weheliyey ku  xigeenka hogaanka ciidanka Booliska somaliland Saleebaan Cismaan Shide ayaa waxuu u kuurgalay hawlaha ciidanka Booliska ee gobolka gaar ahaan baahiyaha ku saabsan xubnaha hawlgabka noqday ee aan shaqada ka qayb qaadan Karin iyo baahida guud ee jiri karta.

Badhasaabkii hore ee Gobolka Awdal Axmed  Xaddi Sidci, Mayorka Boorame saleebaan xasan xaddi iyo Taliyaha qaybta Booliska gobolkaasi axmed Cabdiraxmaan xasan ayaa taliye ku xigeenka siiyey warbixino la xidhiidha hawlaha hay’adaha ammaanka ee Gobolka.

Taliye cabdiraxmaan Axmed Liibaan (Cabdiraxmaan Fooxle) ayaa sidoo kale kormeerkiisa ku soo maray saldhigyada ciidanka Booliska ee Boorame iyo saldhig cusub oo dhismahiisu ka socda  xaafadaha waqooyi  ee magaaladaasi.

Boorama SDN.