Taliyaha Ciidanka Booliiska Soomaaliyeed Gen. C/Xakiin Dahir Saciid (Saacid) Oo Gaadhay Roma,Lana Kulmay Dhigiisa Talyaaniga
Roma:17,June,2014(SDN/QJ)- Taliyaha Ciidanka Booliiska Soomaaliyeed Gen. C/Xakiin Dahir Saciid (Saacid) oo booqasho rasmi ah ku jooga Dalka Talyaaniga ayaa la kulmay Dhigiisa Dalka Talyaaniga iyo saraakiil kale oo ciidan.
Jen.Saacid ayaa casuumad rasmi ah waxa uu ka helay dhigiisa Dalka Talyaaniga Alessandro Pansa , waxaana kulamo ay wada qaateen labada Taliye kaga wada hadleen xidhiidhka soo jireen ee ka dhaxeeya Ciidamada Booliiska Soomaaliyeed iyo kuwa Talyaaniga.
Taliyaha ciidanka booliska Soomaaliya Gen. C/Xakiin Dahir Saciid (Saacid) ayaa dhigiisa dalka Talyaaniga waxa uu ka codsaday taageerida ciidanka Booliiska Soomaaliyeed iyo sidii tababaro heerkoodu sareeyo Talyaanigu u siin lahaa saraakiisha iyo Ciidanka Booliisaka Soomaaliyeed.
Taliyaha ciidanka booliska Talyaaniga Alessandro Pansa ayaa u balan qaaday Taliska Booliisaka Soomaaliyeed in ay gacan siin doonaan waxa uuna xusay in Khabiiro gacan siiya Ciidanka Booliiska Soomaaliyeed usoo dirayaan Soomaaliya.
Dowlada Talyaaniga ayaa qeyb ka ah Dowladaha Soomaaliya ka taageerada tababarada iyo gacan siinta Ciidanka Soomaaliyeed , waxaana gudaha Soomaaliya kusugan Saraakiil Talyaani ah oo tababar siiya Ciidanka Dowlada.
SDN/QJ Roma
contact@somalidiasporanews.com