Taageerayaasha Arsenal oo Dalbadey in la ganaaxo Daniel Agger dhaawicii uu gaadhsiiyey Jack Wilshere!
Jamaahiirta kooxda Arsenal ayaa bogga Twitter-ka ku daabacay fariin ay udirayaan xiriirka wadanka Ingriiska ee FA-ga waxaana ay ka codsadeen in lagu ganaaxo Daniel Agger dhaawicii uu gaarsiiyay Jack Wilshere.
Xidiga khadka dhexe ee kooxda Gunners ayaa 6 asbuuc ka maqnaan doona garoomada kadib markii uu dhaawac ka soo gaaray cagta lugta bidix , dhaawaca 22 jirkaan ayaa yimid markii ay kubbada ku hardameen isaga iyo Daniel Agger kulankii England iyo Denmark.
Jamaahiirta Gunners ayaa ku dooday in dhawacan uu ahaa mid ku talo gal ah oo la xiriira loolanka Premier League waxaana ay codsadeen in la baaro.
“Inagoo ah tageerayaasha caanka ah ee kooxda Arsenal waxaan ka dalbaneynaa FA –ga in ay baaraan arinta uu Daniel Agger ku dhaawacay Jack Wilshere , uma ekeyn ciyaar saaxibtinimo , waxaan rabnaa in la baaro oo la ganaaxo sidaa waxaa lagu qoray Metro oo soo xiganeysa jamaahiirta Arsenal.
Inkastoo FA –gu aaney waxba ka qaban Karin dhacdo qaran hadana waxaa ay tani muujineysa sida ay Arsenal uga xumaatay dhaawicii Wilsher.
– See more at: http://somalilandsports.com/articles/394/Taageerayasha-Arsenal-oo-dalbaday-in-la-ganaaxo-Daniel-Agger-kadib-dhawicii-Jack-Wilshere#sthash.QOvDVQ92.dpuf