Suxuufiyiinta u yaacay Koonfur Africa oo cabsiyi soo wejahday

Cape Town Oct 03,2012(SDN)-Suxuufiyiin Soomaali ah oo cabs awgeed dalka isaga yaacay ayaa waxa ay gaareen dalka Koonfur Africa,halkaa oo ay haatan ku soo wejahday cabsi hor leh.

Mid ka mida wariyeyaasha Soomaaliya uga firxaday bartilmaansiga joogtada ah oo aan magaciisa la shaacin oo u waramay barta Eyewitness ayaa shegay in weli ay naftiisu khatar ku jirto.

“Aniga oo South Africa ku sugan ayaa la hanjebay oo la igu yiri sidii saaxiibadaa ayaa lagu dilayaa,waa ay garanayaan halkaan joogo,halkana waa ay joogaan”ayuu yir wariyuhu mar uu ka waramayay kooxda Al Shabaab ee sida ba’an u ugaarsaneysa suxuufiyiinta.

Wariyuhu waxa uu sheegay in rag Shabaabka ka tirsani ay ku nool yihiin magaalooyinka waa weyn ee Konfur Africa isla markaana uu naftiisa u baqanayo.

Dilka iyo bartilmaansiga saxaafada ayaa korortay intii ka danbeysay doorashadii madaxweynaha cusub ee Soomaaliya.

SDN-Cape Town

contact@somalidiasporanews.com