Soomaalida Minneapolis iyo Madawga kale ee Magaaladaas oo kulan isu soo dhawaasho yeeshay

Minneapolis Dec 30,2013(SDN)-Xarunta dhaqanka ee Cedar ee ku taal magaalada Minneapolis ayaa dhawaan martigelisay kulan ay yeesheen Soomaalida iyo madawga magaaladaas ku wada nool.

Kulanka ayaa looga wadahadalayay sida labada bulshadood oo khilaaf in muda ahi u dhexeeyay sidii ay isugu soo dhawaan lahaayee.

Soomaalida iyo madawga kale ee magaalada Minneapolis ayaa horaantii sanadkan dhalintoodu isku rasaaseeyeen xaafado magaaladaasi ka mid ah.

Labada Bulshadood ayaa istusaaleeyay in ay ka siman yihiin caqabadaha ay ka mid ka yihiin Shaqo la’aanta,saboolnimada iyo waxbarasho la’aanta.

Sharci dejiyeyaal kulan ka soo xaadiray ayaa arkay dedaalka labada bulsho wadaan.

Kulan danbe oo la isu balansadayna hogaamiyeyaasha labada bulshadood ayaa qorsheynaya sidii ay dhaqaale ugu heli lahaayeen mashaariic xaaladahooda wax looga qabanayo iyaga oo kaashanaya xildhibaanada.

SDN-Minneapolis
contact@somalidiasporanews.com