SNA oo weeraro ka hortagtay

Muqdisho May 10, 2024 (QJ)-Ciidamada Xoogga dalka Soomaaliyeed gaar ahaan qeybta 53-aad ee qeybta 14-ka October ayaa howlgal qorsheysan waxa ay ka sameeyeen deegaano ka tirsan gobolka Shabeellaha Hoose.

War kasoo baxay dowladda Soomaaliya ayaa lagu sheegay in howlgalka ciidamada ay ku fashiliyeen weeraro ay soo diyaariyeen dagaalyahano ka tirsan Al-Shabaab, kuwaasi oo qorsheynayay in ay la beegsadaan deegaanada istiraatiijiga ah ee duleedka Muqdisho.

Taliyeyaasha ciidamada ee howlgalkan hogaaminayay ayaa xaqiijiyay in tiro badan oo ka tirsan maleeshiyaatka Shabaab ay ku dhinteen qaraxyo xili ay diyaarinayeen walxaha qarxa, iyagoo sheegay in ay arkeen meydadka dagaalyahanada diyaarinayay qaraxyada.