Shirkii wadatagashiga 7aad oo Dhuusamareeb lagu soo gunaanaday

Dhusamreeb August 27, 2023 (QJ) – Shirkii 7-aad ee Madasha Wadatashiga Qaran ee dowladda Federaalka iyo maamul goboleedyada dalka oo socday muddo labo maalmood ah ayaa maanta si rasmi ah loogu soo gabagabeeyay magaalada Dhuusamareeb. Waxaa shirka ka dib laga soo saaray war-murtiyeed wadajir ah.

Kulanka oo uu shir guddoominayay Madaxweynaha Soomaaliya Xasan Sheekh Maxamuud, ayaa waxaa goob joog ka ahaa Ra’iisul Wasaaraha XFS Mudane Xamse Cabdi Barre, Ra’iisul Wasaare ku xigeenka ahna Wasiirka Arrimaha Dibadda, Mudane Saalax Axmed Jaamac, Ra’iisul Wasaare ku xigeenka dalka, Mudane Saalax Axmed Jaamac. Axmed Cabdi Kaariye (Qoorqoor), Madaxweynaha Galmudug, Mudane Axmed Maxamed Islaam, Madaxweynaha Jubbaland, Mudane Axmed Maxamed Islaam, Madaxweynaha Dowlad Goboleedka Koonfur Galbeed, Mudane Cabdicasiis Xasan Maxamed (Lafta-gareen), Madaxweynaha Hirshabeelle, Mudane. Cali Cabdullaahi Xuseen (Cali Guudlaawe), iyo Guddoomiyaha Gobolka Banaadir, Mudane Yuusuf Xuseen Jimcaale Maddaale. Madaxweynaha Puntland ayaa sidoo kale goobjoog ka ahaa.

Hogaamiyeyaasha heer federaal iyo heer maamul goboleed ayaa ka wada hadlay xaaladda amni ee dalka, xoojinta howlgallada ka dhanka ah argagixisada, dib u soo celinta deegaannada Al-Shabaab iyo kor u qaadista adeegyada aasaasiga ah ee bulshada.

Gabagabadii madashan ayaa muujineysa sida ay uga go’an tahay madaxda dowladda federaalka Soomaaliya iyo kuwa maamul goboleedyada wax ka qabashada caqabadaha amniga, hagaajinta dowladnimada, kor u qaadista iskaashiga si loo sugo amniga iyo wanaagga qaranka.