Shirkadaha Isgaarsiinta Soomaaliya oo loo digay

Muqdisho March 12, 2023 (QJ) – Wasaaradda Isgaarsiinta iyo Teknoolojiyada Xukuumadda Soomaaliya ayaa fartay shirkadaha teknolojiyadda ee dalka in ay u hoggaansamaan shuruucda si loo horumariyo loona xaqiijiyo tartanka suuqa Isgaarsiinta. Wasaaradda ayaa go’aankan ku shaacisay shir ka dhacay xarunta Wasaaradda Isgaarsiinta iyo Teknoolojiyada, kaasoo looga hadlay ka hortagga faragelinta shirkadaha teknolojiyadda.

Wasaaraddu waxay carabka ku dhufatay in loo baahan yahay in shirkaduhu ay u hogaansamaan nidaamka sharciga ah ee qaadashada shatiyada ay dalka soo galiyaan qalab idaacadeed ama isgaarsiineed.

“Dhammaan shirkadaha tignoolajiyada waa inay u hoggaansamaan nidaamka iyo nidaamka, mana ku shaqeyn karaan si ka baxsan sharciga,” ayuu yiri Wasiirka Wasaaradda Isgaarsiinta iyo Tignoolajiyada Soomaaliya Jaamac Xasan Khaliif.

Wasaaraddu waxa ay sidoo kale sheegtay in ay xaq u leedahay in tallaabo sharciga waafaqsan laga qaado shirkadaha tignoolajiyada ee ku xad-gudba shuruucda, isla markaana wax u dhimaysa hawlaha shirkadaha kale ee tignoolajiyada.