Shir lagu Gorfaynayay Horumarinta iyo Kobcinta Dhaqaalaha oo lagu qabtay Hargaysa

Hargaysa 27.Feb (SDN)  Kulan ay isugu yimaadeen   Agaasimayaasha Guud ee wasaarada  Kalumaysiga, Beeraha, Xanaanada Xoolaha ,Wershada, Baanka S/land iyo hay’ada FAO , kaasi oo  lagaga had-layey   Kobcinta dhaqaalaha  ayaa maanta lagu qabtay Xarunta wasaarada kaluumaysiga ee  magaalada Hargeysa.

Agaasimaha Guud  ee wasaarada Kaluumaysiga Mud, Maxamed Cilmi Aadan oo kulankaasi ka  dib u waramayay  warbaahinta   ayaa waxa uu sheegay in kulani uu ahaa mid  ay ku  gor-faynayeen sidii  loo hor marin lahaa dhaqaalaha  iyo sidii loo heli lahaa  hanaankii loo raaci lahaa dhaqaala kobcinta.

Mud, Maxamed Cilmi aadan waxa uu intaa raaciyey in kulanka ay  ku soo qaadeen oo kale sidii ay  isku xidh-naan  iyo iskaashi ay u yeelan lahaayeen  wasaaradaha kulanka ka soo qayb galay iyo hay’adaha kale  ee dhaqaale soosaarka, si taasi ay u sahasho qorshaha  kob-cinta  dhaqaalaha.

Agaasimaha Guud ee wasaarada xanaanada Xoolaha oo isna  ka hadlay  kulanka iyo ujeedadiisa ayaa sheegay,in kulankooda ay kaga hadleen sidii loo heli lahaa isku xidhnaansho guud ,waxaanuu xusay in isku xidh-naantaas lagu gaadhayo  sidii loo dejin lahaa loona heli lahaa  jidkii loo mari lahaa  dhaqaale kob-cinta.

Waxaanuu Agaasimaha Guud ee Xanaanada Xoolaha uu  sheegay oo kale in   dhaqaale kob-cinta ay ka horayso in la helo qorshe iyo yool iyo xog  gundhig u noqota  dhaqaala kob-cinta alka la higsanayo.

Hargaysa SDN.