Shimbir Mambaano Xambaarsanayd Oo ay Toogasho Ku Dileen Ciidamada Afghanistan
Kabul:Dec,02,2014(SDN/QJ)-Ciidamada Ammaanka waddanka Afghanistan, gaar ahaan Gobolka Farayab, ayaa shaaca ka qaaday inay toogasho ku dileen shimbir Bambaano lagu xidhay oo ujeeddo laga Lahaa.
Ciidanku waxa ay intaas ku dareen in la doonayey in bambaanahan lagu qarxiyo Goob Kontarool ah oo ay ku sugnaayeen Ciidanka Amaanku.
Mid ka mid ah askarta booliska oo foojignaan muujiyay ayaa arkay shimbirta oo anteno dheer ku taagan islamarkaana ay wax ka buuran yihiin, sidaasna uu ku toogtay.
Markii la toogtay ayay qaraxday shimbirtii, waxaana laga helay radion ku xidhnaa iyo calaamado nambarro ah oo lugteeda ku xidhan.
Dhacdadan ayaa noqoneysa tii ugu horreysay ee nooceeda ah, waxaana ay boolisku sheegeen in ay baadhayaan dhacdadan iyo cidda ka dambeysa.
SDN/QJ