Shil ka Dhacay Deegaanka Afgooye oo Laba Qof ku naf waayeen sadex kalena ku dhaawacmeen

Muqdisho 25.October 2013 (SDN)- Labo qof ayaa ku dhimatay saddex kalena waa ku dhaawacantay shil gaari oo maanta ka dhacay waddada u dhexeysa Muqdisho iyo Afgooye.

Shilka ayaa yimid kaddib markii ay isku dhaceen gaari nuuciisu yahay Homy oo ay saarnaayeen rakaab iyo gaari nuuca raaxada ah, xilli ay marayeen agagaarka kulliyadii waxbarashada Lafoole.

Goobjoogayaal la hadlay Warbaahinta ayaa sheegay in dadkii dhaawacmay loo qaaday magaalada Muqdisho si loogu dabiibo.

Dhowr jeer oo hore ayay shilal noocan ah ka dhaceen waddada isku xirta Muqdisho iyo Afgooye.

Muqdisho SDN.

Qurbejoog.com