Shacab ku godoomay Jamaame oo la soo badbaadiyay

Jamaame December 25, 2023 (QJ) -Ciidamada Jubbaland ayaa soo badbaadiyay qoysas u badan Dumar iyo caruur, kuwaasi oo muddo labo maalmood ah ku go’doonsanaa fatahaadda ka dhacday degmada Jamaame.

Xildhibaano ka tirsan dowladda Federaalka, Wasiiro ka tirsan Jubbaland, siyaasiyiin, la taliyeyaal sare, aqoonyahanno iyo mas’uuliyiin kale ayaa socdaallo ku tagay deegaanada waqooyi ee gobolka Jubbada Hoose, gaar ahaan deegaanada hoos yimaada degmada Jamaame oo ay ku go’doonsan yihiin qoysas badan.

Ciidanka oo isticmaalaya doomo iyo duyuuradaha aaney cidi wadin ee Drones ka looyaqaan ayaa u gurmaday qoysas godoomiyeen fatahaadadu.

Saraakiisha qeybaha kala duwan ee ciidamada Jubbaland ayaa kaalin weyn ka qaatay samata bixinta dadka danyarta ah ee go’doonsan.