Shabaabka Galgaduud Oo Nolosha Ku Gubay Oday Waayeel ah

Galgaduud:11-April-2014 (SDN)-Sida ay sheegayaan Wararka Lag Helayo Deegaanka CeelBuur ee Gobolka Galgaduud, Kooxaha Alshabaab ayaa Halkaas Fal Naxdin leh oo ku Gubeen Oday Waayeel ah Oo Halkaas Ku Noolaan.

Marxuumka  La Gubay, ayaa Magaciisa lagu Sheegay  Nuur Xayle Dhicisow, waxana uu ka mid ahaa Qofka kaliya ee Halkaas ku Hadhay, kadib markii ay Dadkii kale iskaga Barakaceen.

Odayga waayeelka ah ee lagu gubay gurigiisa ayaa dhowaan waxaa gargaar raashiin iyo dawo isugu jirta gaadhsiiyay ciidamada dowladda Soomaaliya iyo kuwa AMISOM, kaddib markii halkaasi ay ku tageen kormeer.

Guddoomiye ku-xigeenka maamulka gobolka Galgaduud ayaa warbaahinta u xaqiijiyay dhimashada ninkaasi odayga ah oo ay Al-Shabaab ku dhex gubtay aqalkiisa.

Ma ah markii ugu horreysay ururka Al-Shabaab ay qof shacab ah ku dilaan deegaanno iyo tuulooyin hoos taga degmada Ceelbuur ee gobolka Galgaduud iyagoona mar walba u hanjaba maatada aan hubeysneyn.

Arrintan Naxdinta leh ayaa si weyn looga Hadal Hayaa Deegaankaas, waxana ay Argagax iyo Yaab Gelisay Dadka Halkaas Deggen.

S.D.N

Contact@somalidiasporanews.com