Seattle Seahawks oo Markii Ugu Horeysey Hantidey Super Bowl XLVIII Kuna Khaarijisey 48-8 Denver Bronco.By Jaahuur
East Rutherford,Feb 03,2014-(SDN)- Asxaabtay qormadeena ciyaaraha waxaynu ku bidhaamineynaa Seattle Sea Hawks oo taariikhda markii ugu horeysey ku guuleystey Super Bowl XLVIII.
Ciyaartan oo runtii aad u xiisa badneyd ahaydna Final waxaa foodda isla galey Seattle Seahawks iyo Denver Bronco.
Aalaaba ciyaatan oo North America aad looga xiiseeyo (American Football) ayaa waxaa ka soo qeybgaley dadweyne kor u dhaafey 70,000 iyo malaayiin ka daawanayey TV-da aduunka iyo taageerayaasha labada kooxood.
Haddaba Seahawks oo aad ugu gaajeysanaa in aay maruuayn hantido koobkan ayaa riyadoodii u meel martey,markii aay ku khaarijisey 48-8 Denver Bronco oo horey ugu guuleysatey koobkan oo kale.
Tababaraha Seahawka Pete Carroll iyo Maanijirka Guud John Schneider ayaa ka dhawaajiyey iney 4-tii sannadood ee ugu dambeeyey ku jireen dhismaha kooxdan,natiijadii ka soo baxdeyna u dabaal dageyno caawa.
Runtii Denver Bronco oo ahayd difaacii ugu wanaagsanaa is reeb-reebkii ayaa la waayey meel aay jaan iyo cidhib dhigeen,markii aay iska caabiyin kariwaayeen mawjadihii weerarka ahaa ee kaga imaanayey Seahawks.
W/qorey Jaahuur
SDN