Saylac: Weriyaha Telefishanka Universal oo la xidhay

Saylac 27, September 2012 (SDN)- Ciidanka amaanka ee degmada Saylac ee gobolka Awdal, ayaa saaka xabsiga dhigay weriye Cabdisamad Maxamed oo degmadaas uga soo warama Telefishanka Universal.

Siday suxufiyiin ay saaxiib yihiin u sheegeen shabakadda Somalidiasporanews.com, weriyaha waxa saaka laga qabtay gudaha degmada Saylac, ka dib markii Xoghayaha dawladda Hoose ee degmadaasi amarka bixiyay.

Ma cadda sababta keentay xadhiga weriyahaas oo Telefishanka madaxabanaan ee Universal u jooga deegaankaas, kaasoo noqonaya suxufigii labaad ee muddo todobaad ah lagu xidho degmada Saylac. “Hadda wuxuu ku jiraa saldhiga Booliska ee degmada,” ayuu yidhi mid ka mid ah suxufiyiinta deegaanku.

Qurbejoog.com, Saylac

editor@somalidiasporanews.com