SAWIRRO: Guddida Sahan Barwaaqo Oo Deeq Biyo Ah Oo Ka Timid Hay’ad Islaami Ah Gaadhsiisay Deegannada Hoos Taga Salaxley Ee Abaaruhu Saameeyeen

Hargeysa (SDN) – Gudida Guud ee Beesha Daa’uud Ismaaciil (Ciidagle) ee Sahan Barwaaqo ayaa maanta gaadhsiisay 50 booyadood Deegannada hoos taga Salaxley .

Deeqdan Biyaha ah oo ka timid Hay’adda islaamiga ah ee Al Sunna Charity Center oo xarunteedu tahay Hargaysa ayaa waxaa lagu soo Hagaajiyay Guddida Sahan Barwaaaqo iyadoo Guddiduna ay Deeqdasi ay gaadhsiisay Deegaanno kal duwan oo kala ahaa ; Maadhyaal , Dhimbiriyaale , Toon , Qoolcadey. Bali case , Balli Ciise . Sharmaake. Reer Masaajid iyo Maygaagaha .

Deeqdan oo ay horkacayeen xubno ka mid ah Guddida Sahan Barwaaqo oo ay ka mid yihiin Xoghayaha Guud Ee Guddida Yusuf Mohamoud Guuleed  , Maxamed Geel-jire , Sheekh Khadar Aw Xirsi Askar .

Ugu danbeyntii Bulshada ku dhaqan Deegaanadaasi ay Deeqdaasi biyuhu gaadhay ayaa si wayn ugu Mahad Naqay Hay’adda Soo bixisay Deeqda Biyaha ah iyo Guddida Soo Gaadhsiisayba .