RW Xamse oo gaaray dalka Ciraaq

Baqdaad July 05, 2024(QJ) -Ra’iisul Wasaaraha Xukuumadda Federaalka Soomaaliya, Xamse Cabdi Barre, ayaa shalay gaaray magaalada Baqdaad ee xarunta Jamhuuriyadda Ciraaq.

War saxaafadeed ka soo baxay Xafiiska Ra’iisul Wasaaraha ayaa lagu sheegay in Ra’iisul Wasaaruhu uu booqasho rasmi ah uga bilowday magaalada Baqdaad ee caasimadda Jamhuuriyadda Ciraaq.

War saxaafadeedka ayaa sidoo kale lagu sheegay in inta uu joogo Ra’iisul Wasaaruhu kulamo muhiim ah la qaadan doona dhiggiisa Ciraaq.

“Booqashada rasmiga ah ee Ra’iisul Wasaaraha uu ku tagayo Ciraaq oo qaadan doonta dhowr maalmood ayaa waxaa ka mid ah kulamo muhiim ah oo uu la yeelan doono dhiggiisa dalka Ciraaq, Ra’iisul Wasaare Mustafa Al-Kadhimi” ayaa lagu yiri qoraalka.

Labada Ra’iisul Wasaare ayaa ka wada hadli doona kor u qaadista xiriirka taariikhiga ah iyo iskaashiga soo jireenka ah ee ka dhaxeeya labada dal ee Soomaaliya iyo Ciraaq, sida uu sheegay xafiiska Ra’iisul Wasaaraha.