Real Madrid oo 4-1 Ku Duugtey Galatasary (Uefa Champion League)DAAWO(BY Jaahuur)
Spain-Bernabeu Stadium-Nov-28-2013-(SDN)-Asxaabtay qormadeena ciyaaraha waxaynu maanta kula tukhatukhaynaa ciyaar ka tirsaneyd Uefa Champion League dhexmarteyna Real Madrid iyo Galatasary.
Ciyaartan oo runtii aad u xiiso badneyd ayaa waxa ka soo qeybgaley dadweyne aan la soo koobin Karin oo la ciir-ciiraya in ka badan 75,000 iyo dabcan taageerayaasha labada dhinac.
Labadan naadi oo kuwada jira (Group B) ayaan waxba isu reeban,walow qeybtii hore ee ciyaarta isku dheeli tirneyd ayaa daqiiqaddii 37-aad Real Madrid waxaa gool aad u qurux badan oo ahaa laad xor ah shabaqa ku hubsadey xiddigga reer France BALE,isla daqiiqaddii 38-aad waxaa u jawaabey baas uu ka soo shaqeeyey Drogba shabaqana waxaa u direy UMUT.
Qeybtii dambe ee ciyaarta waxaa ciyaarta laga saarey (RED CARD) ciyaaryahankii NO-4-aad ee Real Madrid Sergio Ramos.
Haddaba qeybtan dambe ee ciyaarta ayaan Real Madrid u jixin-jixin laacibkii laga saarey ee Sergio,lana soo baxdey ciyaar farsamo ku dhisan oo aan la fileyn.
Daqiiqaddii 51-aad goolkii labaad waxaa Madrid kaga farxiyey ARBELOA,kii 3-na waxaa niyadda ugu dejiyey daqiiqaddii 63-aad DE MARIO,kii qalbijabkana daqiiqaddii 80-aad waxaa ku sagootiyey ISCO.
Waxaa xusid mudan Christiano Rolando oo ka maqnaa ciyaartan.
W/qorey Jaahuur
SDN