Real Madrid iyo Borussia Dortmund oo caawa ciyaaraya tartanka xiisaha badan ee Champions League (Warbixin)

Kooxda Macalin Jurgen Klopp ayaa 4-1 ku soo garaacday Kooxda Reer Spain Todobaadkii la soo dhaafay, waxaana uu rajeynayaa in uu shaqada uu ugu soo baxayo finalka Champions League uu ku soo gunaanuda Bernabeu Caawa.

Laakiin Real Madrid ayaa ah Awood aan la iska Indha tirikarin oo ku dheeleysa Gurigeeda, waxaana laga yabaa in ay sameyso wax kasta.

Real Madrid ayaa soo dhaweyn doonta Alvaro Arbeloa kaasi oo ganaax ku seegay Lugtii Koowaad.

Daafaca Adag ee Pepe ayaa lagu tuuri doonaa Binjiga, madaama ay wiilasha Isfahmay isku weheshan doonaan daafaca dhexe Sergio Ramos and Raphael Varane.

Angel Di Maria  ayaa ku soo bilaaban doona isagoo ku faraxsan dhalashada Gabadhiisa, iyadoo Cristiano Ronaldo uu si buuxda tababar u sameeyay maadaama uu yahay Nin laga sugayo Rajada Real Madrid.

Gonzalo Higuain ayaa u muuqda in uu heli doono fursada ah in uu ku soo bilaawdo Afka hore ee kooxda Real Madrid.

Macalin Jurgen Klopp, ayaa soo magacaabi doona team-kii hore oo kale ee Real ku soo garaacay Garoonka Signal Iduna Park.

 Lukasz Piszczek oo dhawac yar uu heystaa laakiin waxaa la sheegayaa in uu ciyaartan dheeli doono.

Xidigaha Felipe Santana, Mitchell Langerak, Moritz Leitner, Oliver Kirch iyo Julian Schieber oo dheelan kulankii Fortuna Dusseldorf  ay dhamaantoo kursiga Keydka dib loogu celin doonaa.

CIYAARTOYDA LAGA YAABO IN AY KULANKAN SAFTAAN

REAL MADRID

López

Arbeloa • Ramos • Varane • Coentrão

Khedira • Alonso

María • Özil • Ronaldo

Higuaín

Weidenfeller

Piszczek • Subotić • Hummels • Schmelzer

Gündogan • Bender

Błaszczykowski • Götze • Reus

Lewandowski