Ra’isal Wasaaraha Cusub ee Somalia oo Xilkii si rasmi ah ugala Wareegay Ra’isal Wasaarihii hore

Muqdisho 26.Dec 2013 (SDN)- Raysul wasaarihii hore ee Soomaaliya Cabdi Faarax Shirdoon ayaa maanta xaflad ka dhacday xarunta madaxtooyada ee Villa Somalia xilkii ku wareejiyay raysul wasaaraha cusub ee Jamhuuriyadda Federaalka Soomaaliya Cabdi Faarax Shirdoon.

Xafladda xil-wareejinta waxaa ka qeyb galay mas’uuliyiin uu ka mid yahay madaxweynaha Soomaaliya Xasan Sheekh Maxamuud.

Shirdoon ayaa sheegay in xukuumaddiisa ay wax badan ka qabatay xaaladda dalka Soomaaliya, uuna rajeynayo in xukuumadda cusub ay dhammeystiri doonto howlaha harsan.

Cabdiweli Sheekh Axmed ayaa uga mahadceliyay Cabdi Faarax Shirdoon howlihii ay qabatay xukuumaddiisa, wuxuuna ballan-qaaday inuu dhammeystiri doono howlihii ay horey u billowday xukuumaddii hore.

Madaxweyne Xasan Sheekh Maxamuud oo isna ka hadlay goobta xil-wareejinta ayaa uga mahadceliyay labada mas’uul sida wanaagsan ee ay xilka ula kala wareegeen, wuxuuna u jeediyay dadweynaha Soomaalida inay taageeraan raysul wasaaraha cusub.

Baarlamaanka federaalka Soomaaliya ayaa Sabtidii la soo dhaafay meel-mariyay magacaabista raysul wasaare Cabdiweli Sheekh oo ah shakhsi ku cusub masraxa siyaasadda dalka.

Muqdisho SDN.

Qurbejoog.com