Ra’iisul wasaare Saacid oo maanta la kulmay Agaasimayaasha Wasaaradaha Xukuumada Soomaaliya

Muqdisho Feb 03 2013 (SDN)– Mudane Cabdi Faarax Shirdoon Saaci, Ra’iisul wasaaraha Soomaaliya ayaa maanta kulan la qaatay dhamaan Agaasimayaasha Wasaaradaha dowladda Soomaaliya kuwaasi oo uu kala hadlay dar-dargalinta howlaha wasaaradaha Xukuumadda uu hogaanka u yahay.

Ra’iisul wasaaraha Soomaaliya ayaa kulanka uu la qaatay dhamaan Agaasimayaasha waxa uu ka dhacay Xafiiska uu kuleeyahay Dhismaha Madaxtooyada Soomaaliya.

Kulanka markii uu soo dhamaaday ayaa Ra’iisul wasaaraha waxa uu la haday saxaafadda waxa uu u sheegay in ujeedka kulanka uu la qaatay Agaasimayaasha Wasaaradaha Xukuumadda Soomaaliya uu ahaa kala warqaadasho iyo dar dargalinta howlaha wasaaradaha oo ay Agaasimayaashu muhiim u yihiin.

Ra’iisul wasaaraha Soomaaliya ayaa tilmaamay in Agaasimayaasha Wasaaraduhu ay muhiim u yihiin howlaha shaqo ee dowliga ah waxaanu intaasi ku daray in kulamada ceynkani oo kale ah ay badin doonaan.

Waa markii ugu horeysay ee uu Ra’iisul wasaaraha Soomaaliya kulan la qaato Agaasimayaasha wasaaradaha 10-ka ah ee u hogaanka u yahay.

SDN-Muqdisho