Raiisul Wasaare Gaas:Shabaab waxey u yaaceen Puntland
Muqdisho April 12,2012(SDN/AP)-Raiisul wasaraha DFKMG ah ee Soomaaliya ayaa wareysi uu siiyay Associated Press waxa uu ku sheegay in kooxda Al Shabaab oo looga itaal roonaaday Muqdisho ay haatan u yaacayaan Puntland.
Raiisul wasaare Gaas ayaa sheegay in Buuraha galgala oo ah goob ay aad u adagtahay in la gaadho ay gabaadna ugu haboon tahay kooxadan xag jiriinta ah.
“Al Shabaab waa laga guuleysatya,waana ay kala firxadeen,waxaaney hada u yacayaan dhanka buuraha Galgala,madaxda Shabaabka ayaa qudhooda u yaacay Galgala”sidaa waxa yidhi Mr Gaas.
Raiisul wasaarha ayaa mar la weydiiyay in hadii ay fursad u helaan ay dili doonaan ninka Al Amriki la yidhaa ee ka bar bar dagaalama Shabaabka waxa uu ku jawaabay “Hadii Amriki dagaalamayo in aaney jirin wado kale oo banaan,balse hadii uu ka waantoobo oo uu canbaareeyo colaada aaney jiri doonin sabab loo dilo”.
Hadalkan Raiisul wasaaraha DFKMG ah ayaa imanaya maalin uun ka dib kolkii uu madaxweynaha Puntland beesha caalamka ka codsaday in ay gacan ka siiyaan sidii ay Galgala uga saari lahaayeen Shabaabka.
Shabaabka ayaan ilaa iyo haatan ka hadal sheegahsadan ah in ay u boqooleen dhanka buuraha Galgala.
SDN-Muqdisho